افضل طريقه لوضع مكياج العين ومعرفه الالوان المناسبه

من وجهة نظري مافيش لون مش موضة، المهم اختيار درجة اللون المناسبة للون بشرتنا..

هل فيه خط مميز للماكياج... وازاي البنت تضع ماكياج ويكون شكلها حلو وبسيط في نفس الوقت؟

هدف الماكياج هو التجميل في الأساس بالإضافة إلى إخفاء العيوب... عشان كده بلاش الخطوط الواضحة والألوان الفاقعة، كل ما كان الماكياج بسيط كل ما كان أجمل...

الموضة والشياكة هي البساطة وإن الماكياج يكون قريب من الألوان الطبيعية وخاصة للبنات..

فيه حاجات بسيطة ممكن البنت تعملها وهي بتحط الماكياج، لأنها بتدي شكل حلو وخاصة وهي بترسم عينها... بعد ما تحط قلم الكحل الأسود بفرشاة صغيرة تسيّح الكحل باتجاه رسمة العين، وفوق الجفن ترسم بالقلم الأسود وبعد كده وبنفس الطريقة تسيّح الخط عشان تخفي شكل الخط الواضح وكمان بيكون شكل العين حلو قوي، وبعد كده تحط ماسكرا..

ازاي تهتم البنت بشكل العين مع وجود الهالات السوداء وصعوبة التغلب عليها؟ العين أهم حاجة نركز عليها، هي دي سر الجمال وأكتر حاجة بتلفت الانتباه، عشان كده لازم البنت تهتم بشكل عنيها وصحتها.
ولوفي هالات سودة ممكن نستخدم كونسيلر افتح من لون كريم الاساس بدرجه او اتنين ونحطو بالسفنجه بتاعت المكياج عشان يتوزع كويس وبلاش المسكرة الوتر بروف عشان بتوقع الرموش ونحط المسكرة العاديه بطريقه تانيه بس مش عاديه يعني نحطها مرة ونسبها تنشف وبعد كده ننضف الرموش من من الزيادات ونحطها مرة كمان ومتنيش تبصي لفوف وانتي بتحطي للرموش اللي فوق والعكس وانت بتحطي للرموشك الي تحت والرموش اللي في الخفن اللي تحت تتحط برأس المسكرا مش مشطها

من الحاجات اللي بتخلي شكل العين حلو وخاصة العين الضيقة القلم الأبيض من جوه العين بيدي ضي جميل للعين.. وعلى فكرة الموضة هي استخدام ألوان تحت العين زي اللون الزيتي أو الكحلي أو البني المائل على الدهبي شوية والرمادي، المهم تسييح اللون بفرشاة صغيرة.... وبالنسبة للعين الواسعة تحدد من خارج العين علي خفيف وتقل الماسكرا شوية.

بس المهم انك تختاري الالوان اللي تليق علي بشرتك ولبسك والاستيل بتاعك وخلي بالك دي نصايح للنهار مش بليل